嫲嫲雲吞雞 (崇齡大廈) (已結業)

晚飯同男朋友見到啲門口海報幾吸引又入去試吓佢哋有好多唔同款式配搭嘅雲吞雞，都幾花多眼亂因為已經比較夜，只係剩返花膠元貝雲吞雞，海報寫係三至四人份量，但見到隔離二人枱都食得唒，所以我哋都叫左個試吓～另外仲叫咗雞絲粉皮同奶油津白前菜雞絲粉皮做得唔錯幾好味～至於雲吞雞亦好足料，裏邊有好大隻花膠同螺頭，感覺好滋補養顏雞湯好鮮味好正，飲完唔會覺得渴喉～啲雞肉亦都可以點豉油食反，但入口會有啲鬆散～美中不足係雲吞做得唔夠好，個人覺得個皮有啲厚～另外一讚嘅係佢嘅奶油津白，份量好大碟，津白好淋甜，奶油夠滑但唔覺膩～食完成餐飯感覺好滿足，而且價錢亦好實惠，所以已經列入左我地嘅返反兜list