Tom N Toms Coffee (已結業)

收工唔係好肚餓，行左轉觀塘都唔知食咩好，星期五晚度度都人山人海，見到呢間咖啡店有位，又俾佢個牛角包廣告吸引住，就入去試下。餐廳都係賣輕食、厚吐司、咖啡飲品等輕食為主。兩個人點左杯蜜桃冰茶、一杯紅豆牛奶、一個夏威夷薄餅再加個火腿芝士牛角包。本想叫多個蜂蜜多士，但店員哥哥話可以食住先，唔夠食再拎張單去叫，有9折，良好服務，讚紅豆牛奶好飲，面層好foamy，唔會太甜，好潤。薄餅好食，超多芝士拉絲，超薄餅底好脆口，味道好但其實係唔飽肚熱辣辣芝士火腿牛角包，正！最後忍唔住點多個。埋單$146，好味抵食！