利寶閣 (已結業)

依家逐漸多咗中式放題，唔係打邊爐，係真係食小菜！咁樣就可以試多幾款菜式利寶閣環境唔錯，坐得幾舒服。放題價錢合理，食物選擇好多大部份食物都係即叫即整，剩係得片皮鴨要自己拎。小菜前菜燒味樣樣都有得食！仲有一個足料佛跳牆，好滋補瑤柱鮑魚花膠樣樣都有，味道好鮮甜。必食呢度嘅燒味，乳鴿同埋燒肉我哋encore左幾次 乳鴿新鮮燒起，香脆熱辣辣！ 燒腩仔好好食，皮好脆，一層層肥瘦分明!大虎蝦天使麵都唔錯，蝦肉新鮮爽口！食肉獸仲叫咗幾款肉類！咕嚕肉都整得幾好，肉質好淋，調味唔錯薑蔥炒蟹係必食推介，雖然麻煩啲，不過蟹肉鮮嫩！冷盤推介清酒浸海蝦！前後食咗佢一打海蝦如果驚唔夠飽仲可以叫個飯呢個黯然銷魂飯有煎蛋同埋叉燒，飽肚又好味最後再食埋甜品真係大滿足