鯛魚魚湯專門店 (已結業)

冬天最岩就係食熱辣辣既野，呢間係鰂魚涌既店主打鯛魚湯，第一次食覺得好不錯啊，個湯真係真材實料，好濃郁，平日晚都好多人，生意不錯！番薯蜆蝦魚湯湯飯 $98，可以揀烏冬或飯，飯就要加$10，仲可以追加其他配料，無揀錯，湯飯真係好食，一啖湯一啖飯，好快就食晒喇，仲有火烘住個鍋食，夠晒熱！有好多隻番薯蜆，唔算太肥美，但有2 隻大蝦，已經好滿足！個湯裡面仲有啲洋蔥、木耳、同飯素，好豐富。朋友叫左極鮮象拔蚌貝柱蟹棒烏冬 $128，呢個就係碗上既，即煮所以都出晒煙，店員會主動提醒象拔蚌已經夠熟唔洗再浸落啲湯到，貝柱細細粒，蟹棒一絲絲，重點烏冬唔係普通貨，好煙韌彈牙的，朋友都覺得好味。我仲叫左杯蜜桃成熟時 $12，水蜜桃紅茶，唔會太甜，水蜜桃同紅茶味都好濃。