南豐餐廳

營業中

休息中

遠道從新界到九龍開會，唔想幫襯大型連鎖店，想試吓本地小店，於是試試這間茶餐廳。點了我最愛的沙嗲牛肉通，沙嗲醬比一般茶餐廳更有花生味，牛肉份量不少，通粉如果硬身少少會更好。煎蛋火腿正常。一般茶餐廳通常只有麵包或者多士，但這間竟然有菠蘿包，仲唔需要加錢，算少有。菠蘿包咬落去皮依然脆，不會濕粒粒或者乾爭爭，如果整熱佢會更好味😋。奶茶味道OK，沒有苦澀味。早餐時間張張枱坐滿人，每張卡位都有吊到上天花板的膠布覆蓋。店員亦會要求探熱。我要求轉卡位，店員也很樂意有禮！唯一可以改善是他們寫單好似有點亂，見到有幾次阿姐都要搵客收餐。下次經過石硤尾一定會再幫襯。