嘉彩酒樓 (已結業)

為慶祝家人生日，專登book檯食海鮮......個度裝修好殘舊(公屋酒樓，金色樓梯個種) 同埋好嘈。去到拎檯，竟然無record.........以為只有自己係咁，原來身邊幾個人都係咁樣，非常無奈！忽然有阿姐離遠大叫我地有book檯(完全唔知咩事)，咁就晌等左30分鐘後坐低左。奉勸大家一句，雖然book檯唔代表有booking，但都一定要book，我見到有人等左1個鐘都未有聲氣。兼且肯定有檯or 坐低左先搵人去買海鮮，唔係就變食海c.......不過，大部份侍應態度都不錯的！上菜慢了點，但煮出來的食物有水準，能夠食到海鮮原味，蒸鮑魚仔同砵酒桶蠔頂瓜瓜！賣相和酒樓裝修完全成反比 建議大家閒日才來，可能會吃得更盡興。