江南庭敘 (已結業)

想食質素高嘅打邊爐，咁就要行多兩步！今日就深入去到九龍灣嘅江南庭敘，同朋友一齊試吓呢間工業區嘅綠州！打邊爐最重要一定係湯底，唔通真係個爐咩？今次就選擇蕃茄排骨湯底，除咗好濃蕃茄味，仲有好多排骨，開始打邊爐前，飲咗啖湯，酸酸甜甜，好fresh呀！沙巴龍蠆 $388：脆肉鯇係好好味，之但係今日見到龍蠆好新鮮，一於叫一條豪一豪，師傅刀工好，每件魚都起晒骨，加上非常新鮮，好彈牙！安格斯肥牛$248、手切肥牛$328：兩款嘅牛味都好濃，加上大大碟，真係好抵食。其中手切肥牛較厚身，有咬口；而安格斯肥牛就脂肪分佈平均，入口軟腍。雲吞$98：雲吞皮夠晒薄，入面仲有大大隻超彈牙嘅蝦同豬肉，一咬落去就有好多汁流出嚟，好新鮮呀！四寶丸$98：四寶丸有墨魚、鮮蝦、牛肉同豬肉，全部都係新鮮打造，入口彈牙，其中最正係墨魚丸，墨魚味勁香濃!呢餐都幾滿意，好耐無食過咁有質素既火鍋，行遠少少都值。