喜來稀肉 (金巴利道)

營業中

休息中

回想起多年前第一次喺香港食韓燒就係係喜來稀肉，之後無論食過幾多次邊間其他嘅，始終都係覺得第一間最正宗，最好食！今日難得約到朋友喺呢邊食飯，佢又想食韓國餐，就決定重遊舊地，味道依然好好食，店員態度亦都保持得好friendly！呢到d banchan都係自助形式，每一款泡菜都係自家製，勁好食，仲要係任加，不過大家記住唔好浪費！食得韓燒，最鍾意就係佢旁邊有兩款蒸蛋，一個係芝士，另外嗰個係泡菜！至於肉我地就要左調味牛排骨，調味得勁好，加埋肉質都勁好食，真係食完一啖又一啖！當然都要叫埋我最鍾意嘅嫩豆腐湯，呢度嘅味道超級正宗，完全同韓國食嘅係一模一樣！石鍋牛肉拌飯熱辣辣咁上枱，聞到已經覺得好香，料都好豐富！飲品我朋友今次叫左芒果梳打，佢話幾好味，唔會死甜。整體嚟講，呢度個體驗好好，難怪成日都咁多人，仲要屹立不倒咁多年！