101手工涮涮鍋 (已結業)

識打既，梗係最熱先黎打邊爐。打完真係打唔返轉頭近排日日都30幾度，梗係要去打邊爐啦。相約友人係位置方便既尖沙咀既101手工涮涮鍋。門口及帶位既侍應姐姐態度親切，值得稱讚，跟住經理即問要唔要叫左野飲先，可能佢見到我大汗疊細汗，所以即刻叫返杯巨峰提子冰加可樂，真係透心涼。然後侍應姐姐就遞給我們小食及九宮格配料，野食黎得好快，主打梗係牛肉啦。佢地d牛肉真係好多雪花，加埋惹味湯底，真係無得彈。蜂巢豆腐唔係度度有, 今日揀個三杯雞湯底味夠濃, 用黎配蜂巢豆腐素哂湯底先食正到不得了; 另外不得不提既係佢地成隻筷子咁長既蟹柳，真係好鮮甜，肉質彈牙有咬口，唔會一咬就散哂。仲有就係佢地既響鈴，成支500ml既飲品咁大支，第一次見到時真係有d嚇親，建議唔好浸太耐，爽爽地最好食。佢地既手工野都好好食 : 魚皮餃，黑松露餃子，魚肉攘豆卜，仲有幾款手打丸都幾有特色，可以一試。食飽埋單仲有甜品送，香芋味奶凍。是日大滿足也。