銘興酸菜魚 (已結業)

有段時間無黎大角咀奧運呢個區，今日約舊同事食個午餐聚會，朋友大肚特別想食酸辣嘢，就揀一間有酸菜魚。銘興招牌無刺老壇酸菜魚（小辣） $58 配米線，米線係比較幼身，入口比平時食開嘅好滑身，每一塊魚片都冇骨，湯底鮮甜，食完碗麵都冇口渴嘅感覺。麻辣水煮魚（小辣）$58 配紅薯粉，好驚喜呢碗麵好好食，有豆卜娃娃菜，小小微辣好過癮，更餐送一盒紙包飲品，亦都可以加錢換罐裝可樂。另外我哋仲叫咗幾個小食 ，涼拌青瓜小食$35 ，呢個拍青瓜真係有心思，有醃過嘅蒜蓉粒，灑上新鮮脆卜卜的花生。脆脆香小酥肉小食 $40 有子鹽粉香味，沒有太大嘅油膩感，好香脆香炸墨魚餅小食$40， 朋友清碟，點泰式辣醬，墨魚餅好彈牙。中午時段餐廳都收到好多外賣訂單，原來外賣仲有9 折，好抵食，推介係附近返工既朋友。門口午市餐單好平好抵食$58起，就行入去入座。