Pokka Cafe (青衣城1) (已結業)

收工後想去食下好野！今日落到離青衣，唔熟悉青衣嘅小編，咁就去咗青衣城！搵咗呢間餐廳食！突然之間想食鐵扒，咁就叫左個來食。小編就叫一個紐西蘭西冷牛扒！小編係叫咗套餐嘅！本來以為可以揀薯條嘅，但係佢冇薯條，咁就唯有叫南瓜餅！OK好食㗎！餐湯就係南瓜湯，佢係屬於鹹味南瓜湯，小編都幾鍾意飲嘅！有少少南瓜肉咁！唔錯嘅！至於去到重頭戲主菜！「鐵板上到嚟牛扒得三四成熟」呢句說話出自餐廳職員！即係你鍾意幾熟就幾熟，同埋要注意一落汁，就唔會再熟！小編係偏向食生，上到枱大約1分鐘後即刻落汁，應該未到五成，但係已經夠熱啦！個黑椒汁都唔算太辣，亦唔算太鹹！牛扒就好有牛肉味，而且又唔靭，好容易就切開咗，又唔會腥，即是得大約五成熟！顏色係紅紅地嘅！不過咁先可以突顯肉嘅質素！至於個南瓜餅，就OK嘅！都夠脆！只係小編個人鍾意薯條！