龍亭

呢間餐廳環境隱蔽，入面好似宮殿世界甘，有一個龍既噴泉同落地玻璃既吊燈。我地叫左套餐，三文魚沙律配左黑色魚子醬同醋既汁好夾加埋開胃既龍珠果酸甜醒胃。另外海鮮用左鐵板由專人即叫即燒，鮑魚配左香蒜炒伴碟沾上藍色蝶豆花泡泡醬汁提升食物既鮮味。扇貝大大粒配左黑松露醬汁煮成，黑松露既油份滲入左扇貝度食落好香。雞扒份量都幾大塊切件去骨，肉質嫩滑唔鞋口，仲有配左整左好似mario形狀磨菇蘿蔔。雪糕最驚喜既係爆珠紅豆，口感彈牙，加埋紫薯雪糕好夾。