札幌元祖北海道拉麵 (已結業)

夜晚同朋友聚會，嗌左個前菜梅子雞軟骨，梅子味好重、雞軟骨夠爽口，好岩用黎送酒。佢既和牛，煎得岩岩好，成個口都充滿肉汁，好香~平時唔食太多肉既我都忍唔住食左好多XD之後仲嗌左關東煮，大大碗上枱，入面有5-6樣餸，有䈮篛、蘿蔔、年糕福袋、魚餅等，點少少芥末(からし)黎食好夾~臨走見到收銀枱上有多款糖出售，做飯後甜品或者清新下個口都好。