巧得鍋 (已結業)

每人包一杯飲品，沙冰都夠飲，幾大杯。前菜兩小碟幾開胃，不過不失。雞煲好味偏向甜一啲都唔麻，叫咗小辣都唔係好辣，但係份量偏小。。不過加咗湯/水之後變得好淡，普通六熟啲嘢咁， 可以接受，因為食雞煲都係咁。佢啲份量全部都係set 定，女仔來講就夠飽嘅！仲淨左少少。我哋仲另外加咗個油炸鬼蝦，油炸鬼入邊包左啲蝦膠，OK啦。。唔係話好驚喜。呢個唔記得影相。牛肉粒唔好食，好硬！牛展都麻麻哋，有啲古怪拎黎打邊爐。但係其他牛就好食嘅！海鮮拼盤不過不失，每款野每人有一粒，有個羊肉粟米餃子我覺得唔好食。。。冇咩特別野。菜都冇咩特別。整體來講呢一度係適合一大班人吹水食嘢，因為地方大，服務都快，服務員質素幾好！