蘭香麵家

營業中

休息中

平日經過柯士甸道，總沒有走進這小店，星期六剛好經過，決定入內一試。推門入內，屬於舊式格局的粉麵舖，好80年代呀！由於不吃牛，叫了碗雞腸米線，友善姐姐提我可以雙併，我再加了冬菇，米線好快就送到。湯底有D油，因為有雞腸啩，但湯頭好鮮甜。冬菇厚身，又腍又入味。雞腸脆身㗎，去了9成肥膏，冇怪味，同平日媽咪蒸雞嗰種淋謝謝唔同，加埋特製豉油，好好味，看牆身報導，原來淥雞腸時間好重要，剛剛熟就要拿起，米線都好爽口。聽住店員閒話家常，店內又沒有吵耳的聲音，因大家都專心食，很不一樣的尖沙咀！