三多 (啟田市場) (已結業)

香港有幾間多人講嘅外賣雞髀專門店，包括，髀魔，肯得輝，三多等。作為一個肉食愛好者，外賣雞髀係我少少肚餓又唔係好餓時候會去買嘅嘢，三間都食過幾次（有時間補返食評）而三多食得最多。炸髀，油髀都係$30油髀會用盒上，炸髀一定得紙袋。油髀帶甜味，好入味，肉嫩滑，但近骨位有少少生，唔夠熟。炸髀要咗少辣，個面好脆，用麵包糠炸，好熱氣但好香口，係我杯茶，入曬味，夠熟又唔鞋。打電話去叫咗先，10分鐘後取，一停車就拎得減低抄牌機會。