影片
更多
2018-04-29
248 瀏覽
行街其實行嚟行去都係一啲旺區今次又再次嚟到尖沙咀厚福街食嘢不過今次特別啲係食甜品今日晚餐好早就食咗行多陣街之後就即刻覺得肚餓想食甜品行到去厚福街見到好多甜品舖都有好多人排緊隊既然係咁就決定求其揀一間最想食嘅黎排今次揀咗雪奶 去咗韓國好多次都冇食到牛奶冰返到嚟香港先有機會食我哋分別嗌咗一個韓國特級香滑醉人草莓雪奶 同埋一個炸薯角🍓韓國特級香滑醉人草莓雪奶雪奶方面真係好綿好滑 而且牛奶味都好夠但係士多啤梨可能唔係當造就會有啲酸但係因為上面有好多煉奶所以都搞到啲士多啤梨好甜60幾蚊有咁大份真係好抵🥔-炸薯角另外我個炸薯角除咗有普通嘅茄汁之外仲有類似honey mustard 既野 不過依個醬就唔太好食都係點返普通茄汁就覺得好夠雖然呢度嘅嘢食好大份 而且仲好平但係今日係依到食嘢嘅時候都發生左個小插曲就係原來waiter遛咗我地張單冇落到搞到我哋等咗半個鐘先知原來冇落單🤨不過店舖真係有啲忙...
今次又再次嚟到尖沙咀厚福街食嘢
不過今次特別啲係食甜品
今日晚餐好早就食咗
行多陣街之後就即刻覺得肚餓想食甜品
行到去厚福街見到好多甜品舖都有好多人排緊隊
既然係咁就決定求其揀一間最想食嘅黎排
今次揀咗雪奶 去咗韓國好多次都冇食到牛奶冰
返到嚟香港先有機會食
我哋分別嗌咗一個韓國特級香滑醉人草莓雪奶 同埋一個炸薯角
🍓韓國特級香滑醉人草莓雪奶
雪奶方面真係好綿好滑 而且牛奶味都好夠
但係士多啤梨可能唔係當造就會有啲酸
但係因為上面有好多煉奶所以都搞到啲士多啤梨好甜
60幾蚊有咁大份真係好抵
🥔-炸薯角
另外我個炸薯角除咗有普通嘅茄汁之外
仲有類似honey mustard 既野 不過依個醬就唔太好食
都係點返普通茄汁就覺得好夠
雖然呢度嘅嘢食好大份 而且仲好平
但係今日係依到食嘢嘅時候都發生左個小插曲
就係原來waiter遛咗我地張單冇落到
搞到我哋等咗半個鐘先知原來冇落單
🤨不過店舖真係有啲忙...
張貼
