甜夢小屋 (已結業)

其實係四月已經來過這間食雪花冰，但係冇時間上來食個食評俾佢地，昨晚又去了食，雪花冰多了好多隻味，有芒果、豆腐、綠茶、榴槤、蕃石榴、朱古力、西瓜、水蜜桃等等，仲有隻雙色冰係芒果士多啤梨雪花冰、上次試了個芒果星鑽雪花冰，好夠凍、又香芒果味，佢有d星星形椰果同埋芒果伴碟，幾好味。今次來就試了個豆腐雪花冰同埋個芒果士多啤梨雪花冰，個豆腐雪花冰竟然用d花生椰絲糖來伴碟，好得意，又食到d豆腐的豆味，咁花生椰絲糖令到唔會咁單調有少少o野咬下，而個芒果士多啤梨就只係伴芒果肉，這個可以一次過食兩隻味，最適合我地多心的人，咁我地兩個今次就一次過可以食了三款雪花冰呀!我地都有問點解伴碟那些無得選擇，個老細話因為佢地試過係係咁伴碟先令到雪花冰好食，唔會伴碟的食物搶了主角雪花花的味道，所以佢地係set 好，但係我地試了三款雪花冰都覺得佢配得幾得意呀!下次去試埋其他先。個份量夠就唔會好大，佢d 雪花冰價錢都係由24元至32元不等，咁我地都覺得幾好，咁可以試多幾隻，好過要成三十幾以上，只係大少少，咁又未必會叫多碟試。