沾仔記 (兆英商業大廈)

營業中

休息中

呢間沾仔記已經食過好多次，每次都覺得好好食，所以一有機會經過都會係呢度食碗招牌雲吞麵。呢度既雲吞大大粒，大大隻蝦好新鮮，咬落脆卜卜好過癮。而個湯底味道調到恰到好處，鹹鹹地得來帶點香味，就係會令人食上癮。每次食佢個雲吞麵，都會加埋佢枱面既紅醋，中和一下麵既酸鹼度，而且佢個醋都係好香好好味，就算果日冇咩胃口都會好開胃。食麵當然唔少得叫碟菜，呢度既菜係通菜，細細碟通菜16蚊其實幾貴，不過佢勝左d菜夠新鮮翠綠，健康就係要付出代價。