純子餐廳

營業中

休息中

今日老公來接放工，一見面就話好肚餓，要即刻去食嘢。醒起之前食過，一間韓國餐廳好好味，今晚就再幫襯下啦。間餐廳係一條好偏僻嘅街道，但去到時幾乎已經爆滿，坐低5分鐘之後，真係爆滿左。雖然好肚餓，但都忍住，只係叫咗兩個飯。其中個牛肉石頭鍋飯，真係極力推薦，因為撈完碟辣醬，再加上滿滿嘅青菜，小小嘅牛肉，就完美襯托出一味好好味嘅石頭飯。至於嗰碟豆腐雜錦飯，就失色左少少。牛肉得一夠咁多，豆腐又唔見得多，最後都係你用啲湯撈埋碗白飯黎食。但好彩冇貪心，兩個飯已經食到兩個人好飽。因為，呢度嘅嘅泡菜，係有有6碟咁多。仲要碟碟都咁好味，我哋將所有泡菜清晒。如果唔係因為太飽，分分鐘叫老闆再添多啲。