不toast不快 (已結業)

諗咗好耐今日終於試咗韓式鐵板吐司，叫咗一個韓式玉子泡菜牛肉吐司，同埋一個小食 一口班戟，個名都幾特別。因為係即叫即整，所以等咗一陣，熱喇喇出爐嘅時候賣相真係好吸引好想即刻食 啲餡真係好足料啊外層的吐司用牛油加蒜蓉煎的啱啱好，軟硬適中，食之前笃穿個蛋黃，泡菜嘅酸辣加埋蛋黃芝士都幾match，牛肉十分之入味，配合泡菜真係韓味十足，啲泡菜汁牛肉汁滲入吐司，成個食落去都唔會好乾，每一啖嘅口感都非常之豐富，食到最尾仲有沙律菜墊底，所以一路食都有餡料可以食到一口班戟真係一啖一個，軟得來都幾彈牙，好似雞蛋仔嘅感覺，好食！啲食物賣相同味道都幾好 值得一試噶