Goobne Chicken (荃新天地)

營業中

休息中

係荃灣行完街，突然之間想食炸雞就即刻諗起食韓式炸雞好出名嘅Goobne chicken ，咁啱附近又有一間，咁當然要食啦。見到Menu俾個烤雞吸引咗，所以叫咗個果味醬油蒜香烤雞 (無骨)。無骨嘅烤雞啖啖肉，食得好滿足。雞肉好Juice，一啲都唔柴，而且又有蒜味，加埋甜甜地嘅果味，就係好好味。另外叫多個韓式雞蛋卷，一上枱見到個雞蛋卷勁厚，勁足料，勁有蛋味，入邊嘅餡料勁多，好實在。仲可以配埋芝士醬、芥末醬或者茄醬，全部醬都好夾，食落又唔同嘅風味。最後，飲品試咗佢哋個signature drink，鯊魚之淚，仲要有分有酒精同埋冇酒精版本，類似雞尾酒咁，配合埋啲沙冰，夏天飲真係好解暑，而且佢仲有條鯊魚喺度，幾有特色。