炑八韓烤 (已結業)

朋友同我慶祝生日，我揀咗去炑八食韓燒，好彩book咗位，都幾full。我哋嗌左四樣野，泡菜煎餅，芝士炸雞，厚切五花腩同小牛排。先講燒肉方面，厚切五花腩夠肥美，燒起嚟好香，肉質都幾爽口，味道唔錯。小牛排都幾好味，唔太肥，肉又唔會好靭，都算腍身，唔錯。泡菜煎餅味道都幾好，份量都算多，不過唔係好脆，要趁熱食。芝士炸雞味道唔錯，芝士份量都算多，炸雞幾脆，好味。價錢都算中價，幾個朋友食吓飯，傾吓計都不失為一個好地方。