南대門

營業中

休息中

好耐冇食韓國菜，我同男朋友呢日去咗尖沙咀呢間韓國餐廳食燒肉。打開餐牌，見到呢度有好多款唔同嘅肉類可以選擇。呢度有六樣前菜咁多，好豐富。今次點咗肩胛牛肉同埋薄切五花腩，牛肉同五花腩都好新鮮，放喺烏龜形狀嘅鐵板上面燒，將啲油脂逼出嚟，肉味香濃。用生菜包住燒五花腩，可以balance燒肉嘅油膩感，一啖咬落去，口感豐富，香脆嘅燒肉再加埋清爽嘅生菜好夾。另外仲點咗水冷麵同埋大醬湯，水冷麵冰冰涼涼又帶點酸味，好開胃。