阿元來了 (鴻圖道)

營業中

休息中

星期六長週放1點本來諗住觀塘的華嫂無乜人，點知揸車去到遠遠已經見到勁多人等，唯有轉戰阿元來了。門口有啲難搵，雖然唔洗等，但入面都差不多滿客。裝修幾得意好有心思，但就枱枱都撘枱你唔會影到相。叫左個魯肉飯同一個腩肉（？）飯，其實差不多味，腩肉飯唔夠汁，可以pass。但魯肉飯就幾唔錯，但份量就細左啲，仲叫左鹽酥雞、肉鬆蛋餅同飲品。鹽酥雞同飲品真係好一般，唔值呢個價，但蛋餅好好味啊！仲有個辣醬俾你點，勁惹味如果去開觀塘想食台灣野又唔洗排隊我會再黎既！