百樂潮州酒樓

營業中

休息中

從來食鵝肝只識食法國西式既煎鵝肝，原來潮州鹵水亦有浸鵝肝既菜式，知道依間酒樓有潮州鹵水鵝肝食，就星期六晚去依間新世紀分店度撑枱腳。潮州鹵水鵝肝真係入口即溶，充滿鹵水既香味，一啖鵝肝加一啖紅酒真係夾到令人升仙，食完一碟都沒有肥膩既感覺。欖菜肉碎四季豆，肉碎少少辣加上攬菜好惹味，用來送飯就真係一流。秘製羊架就要左2隻，其實要60蚊一隻真係幾貴，但食落尚算肉質鮮嫩，咁都無咁肉痛。煎蠔餅係比較失望既菜色，薯粉落得實在太多，唔太喜歡依種款式既餅。最後一個係石榴雞，依個係一個手工繁多既潮州菜色，內面包住粒粒雞丁，清清地幾好食，值得推薦。為了依個潮州鹵水鵝肝，都值得再次幫襯。