富來餐廳小廚 (已結業)

加班加到好夜，番到屋企已經唔想煮反食，於是去了屋企附近既茶餐廳食晚飯。這家茶餐廳環境衛生環境好像越黎越差，不停有好大隻烏蠅飛黎飛去，好騷擾食客，成晚一路食反一路趕烏蠅！食物方面，其實依家茶餐廳係OK，我點了乾炒牛河，幾有鑊氣，好有豉油香味，唔太油，牛肉好嫩醃得好入味，河粉又彈口，唔會炒到碎晒，仲加入大量芽菜，口感豐富。我再點了魚鬆炒通菜，魚鬆好彈牙，外層煎到半脆，再配上腐乳醬，好惹味。整體食物味道OK，街坊價，但環境衛生差及多烏蠅係一大敗筆。