麵包新語 & 土司工坊 (已結業)

連續兩次去曼谷都 miss 左呢間多士店, 估唔到咁快就晌香港有分店~ ^^店內一共有六種麵包套餐同三款南洋套餐供應, 第一次黎就梗係主打麵包啦!!!1. 傳統土司 (Best Seller!!!) - 即係咖央多士夾鮮牛油, 好鬼 fat, 所以我只係 "meet" 左少少黎試, 不過幾好味~2. 南洋西多士 - 無糖漿供應, 但味道已經好足夠。3. 肉鬆厚土司 - 個人覺得呢樣最好味, 肉鬆 + 鍊奶既效果唔錯~4. 套餐包括煎蛋或半熟蛋兩隻 - 煎蛋普普通通; 半熟蛋做到好似溫泉蛋 Feel, 但係略嫌生左少少.....5. 凍馬來奶茶 - 有即場拉茶表演, 但味道一般食物質素不錯, 但想講講既係衛生環境欠佳, 可能店鋪設計比較開揚既關係, 廚房區域有好幾隻蒼蠅晌度飛黎飛去, 見到其中一隻留左晌切麵包果把餐刀上面, 轉個頭有 order, 服務員就隨手拎起呢把刀切麵包...... 最大問題係, 全部服務員都好似若無其事, 完全習慣晒個工作環境有呢 D "朋友仔" 為伴咁樣, 你都咪話唔驚....... 總結: 食物 + 衛生 = 笑面都要扣分