尚港味 (已結業)

朋友生日book 左5位,見網上食評幾好,朋友又話之前食過呢度啲叉燒超正,一定必點。入到去個環境好好,個feel係高級餐廳雖有點貴,但勝在食物品質好同服務好。我地一去到就叫左叉燒,食落真係吾錯,半肥瘦,食落仲有好多肉汁,推介大家一定要試。我地問職員有咩推介,他就叫我地試下燒鵝同酸菜魚片湯。首先講下燒鵝,職員話呢間餐廳既係自己燒既,同出面食到既不同,的確係比出面既正,層皮燒到極脆,個口感似食炸子雞但比炸子雞更好食。跟住個魚湯對於吾多食辣既人黎講的確會有點辣,但個職員話可以就返我地減辣,啲魚片好鮮好滑,加上個湯,真係一流。