六合小廚 (已結業)

一家人今晚唔想煮飯，唯有出去搵間小炒食下！富貴黃金大蝦 （$188），真係完全抗拒唔到所有用咸蛋黃整嘅食物！蝦比我想像中十隻，炸到卜卜脆，通常夠香口，我就會連殻都食埋！調味都唔錯。不過份量就唔算話好多，覺得2-3人食岩岩好招牌胡椒豬肚湯 （$98），幾足料！唔似有啲喺出面食嗰啲，得幾舊豬肚，其餘大部分都係酸菜。辣辣地冬天食就最適合。豬肚亦冇異味，清理得都乾淨秘制沙拉豬扒 （$88），沙拉骨就食得多！豬扒多肉啲原來都幾好食。個醬汁帶橙色，食落似沙律醬溝左平時咕嚕肉啲汁，雖然味道唔算話好驚喜，但酸酸甜甜都好好食