影片
更多
2017-03-07
167 瀏覽
今朝早食左公仔麵，晏晝食左米粉，係旺角行完街，行行下最後行到去佐敦都係想食麵。見到拉麵達人，見到佢個門口都有少少日本FEEL，唔好食都睇得先喇，就行左入去食。第一次食呢間拉麵，環境簡單，四周放左D小擺設，裝修唔算好華麗，但好整齊，企理。叫左一個達人拉麵(我估係招牌麵掛)，雞軟腳餃子，激辛火藥達人拉麵。一開頭無睇到原來可以簡麵既軟硬度，湯既(杰)稀度。兩碗麵送到上枱個陣，覺得店主好細心，就係個碗係好熱(熱到感覺似係特登預先整熱個碗)。就咁聞，聞到陣陣豬骨香味。先飲一啖湯先，好濃，好重既豬骨味。湯既質地好(杰) ， 如果唔中意咁(杰)可以叫店主整稀少少，可能我食得少拉麵，小弟去日本食過D拉麵都無試過咁(杰)既湯。呢個湯可以話係幾特別。辣辛火藥達人，佢既辣係硬野嚟(如果平時唔係食開辣就唔好食呢個)，飲湯落去有D辣到哽喉，但好爽(食得辣既朋友就知道種感覺)。總括嚟講，呢間拉麵值得一試，絕對有下次。價錢合理，兩碗麵，一碟餃子，可口可樂，$208。 底食
見到拉麵達人，見到佢個門口都有少少日本FEEL，唔好食都睇得先喇，就行左入去食。
第一次食呢間拉麵，環境簡單，四周放左D小擺設，裝修唔算好華麗，但好整齊，企理。
叫左一個達人拉麵(我估係招牌麵掛)，雞軟腳餃子，激辛火藥達人拉麵。
一開頭無睇到原來可以簡麵既軟硬度，湯既(杰)稀度。
兩碗麵送到上枱個陣，覺得店主好細心，就係個碗係好熱(熱到感覺似係特登預先整熱個碗)。
就咁聞，聞到陣陣豬骨香味。先飲一啖湯先，好濃，好重既豬骨味。湯既質地好(杰) ， 如果唔中意咁(杰)可以叫店主整稀少少，可能我食得少拉麵，小弟去日本食過D拉麵都無試過咁(杰)既湯。呢個湯可以話係幾特別。
辣辛火藥達人，佢既辣係硬野嚟(如果平時唔係食開辣就唔好食呢個)，飲湯落去有D辣到哽喉，但好爽(食得辣既朋友就知道種感覺)。
總括嚟講，呢間拉麵值得一試，絕對有下次。
價錢合理，兩碗麵，一碟餃子，可口可樂，$208。 底食
張貼