一郎 (已結業)

尖沙咀漢口道轉角既一間小店，拉麵店有細細間，但裝修好有特色。餐廳有傳統拉麵店既吧枱，但又用上唔同既玩具做裝修，帶少許玩味。😍我地兩個人叫咗鰹魚醬油拉麵同埋傳統豚骨濃湯拉麵。醬油拉麵湯底加入鰹魚醬油，味道一啲都冇腥味，湯底香亦唔會好油膩。拉麵我揀咗偏硬，麵質爽彈，亦唔帶碱水味。配料既叉燒同蛋都處理得好好。溏心蛋蛋味濃，叉燒唔乾柴，肉質好嫩滑。而豚骨濃湯亦都好香，唔會死咸同太油膩。😆小食我地揀咗温泉流心蛋玉子豆腐同埋羽根餃子。豆腐入口清涼，加埋流心蛋既蛋漿更加滑溜。羽根餃子煎完仍然帶肉汁，睇餐牌仲有餃子放題，大胃王可以試下！🥰🥰