黑木亭-お食事処 (玉成大廈) (已結業)

一直都有聽聞呢間日本料理質素唔錯，作為大西北人既我，今日係元朗行街，又好想食日本野，咁好機會就即刻入去試下啦！ ------------------------------咁岩我地兩個人，所以就叫呢個二人餐 ，裡面包左刺身、卷物，主食同飲品各2、甜品，都幾抵食😍😍🟫 刺身有八爪魚、三文魚、油甘魚，新鮮無腥味。三文魚同油甘魚本身味道唔錯，因為係厚切，所以滿足感增加，八爪魚爽口彈牙😻🟧 火炙左口魚邊卷好好食，勁飽滿，炙燒完左口魚既油香油脂咇晒出黎，真係又香又好食，想encore 添呀！卷入邊仲有玉子燒同青瓜，口感豐富，亦都唔會咁容易有油膩感。 🟥角切海鮮丼有巨型甜蝦再加三文魚、吞拿魚等等。都幾大碗下，全部都好新鮮同肥美，鮮蝦都好甜，滿足！🟦牛肉湯烏冬配炸餃子定食牛肉比較薄切，口感有D似生牛肉，感覺十分嫩滑又充滿牛味。加埋烏冬真係諗起都好開胃，炸餃子都炸得金黃色，脆卜卜，餃子餡亦都多汁。 🟪 沙律吧有唔同類型既蔬菜同生果，例如有沙律菜、車里茄、菠蘿等等，仲提供埋麵豉湯，味道唔差。🟨雪糕係海鹽芝麻味呀！ 比較係出面難食到，一入口有少少咸，之後會突出雪糕既甜味，食埋佢就完滿了。