影片
更多
2012-09-27
15 瀏覽
琴日男朋友生日, 聽朋友講旺角開左間好食既雞煲火鍋店, 於是決定去呢度慶祝因為怕無位, 所以就收工既時候就打電話去book位!!!我地book左7點, 所以收工既時候就啦啦臨搭車去啦~去到果時早左大約10分鐘, 所以無周圍行, 決定入去先~入到去, 見到得三四枱客係度, 心諗,死啦......得咁少人, 唔通呢度d野唔好食, 但過左15分鐘之後, 已經full左啦!!!(好彩我有打電話黎book位)一坐底, 就會有人送上生果~西瓜+橙~ (好少火鍋店咁做, 個人覺得幾特別)同XO醬(佢地話係自己整架)! 之後就有店員行過黎介紹有咩好食~我地就點左一個例牌雞煲 (因為男朋友唔食得辣, 所以叩左小小小辣), 封門柳, 手打蝦丸, 竹生, 芝心丸, 響零同唐生菜~1~例牌雞煲 - 一開煲, 就覺得好香~食落去好明顯有炒過, D雞夠入味, 同埋有充足既配料2~封門柳 - 我第一次聽呢樣野, 係店員介紹我食既, 聽佢地講係牛既橫隔膜, 食落去好有牛味3~手打蝦丸 - 食落去真係食到蝦粒, 唔會好似出面咁食極都食唔到4~竹生 - 原條上, 仲要全部都好大條, 索埋D湯汁, 好好味5~芝心丸 - 唔
因為怕無位, 所以就收工既時候就打電話去book位!!!
我地book左7點, 所以收工既時候就啦啦臨搭車去啦~
去到果時早左大約10分鐘, 所以無周圍行, 決定入去先~
入到去, 見到得三四枱客係度, 心諗,死啦......得咁少人, 唔通呢度d野唔好食, 但過左15分鐘之後, 已經full左啦!!!(好彩我有打電話黎book位)
一坐底, 就會有人送上生果~西瓜+橙~ (好少火鍋店咁做, 個人覺得幾特別)同XO醬(佢地話係自己整架)! 之後就有店員行過黎介紹有咩好食~
我地就點左一個例牌雞煲 (因為男朋友唔食得辣, 所以叩左小小小辣), 封門柳, 手打蝦丸, 竹生, 芝心丸, 響零同唐生菜~
1~例牌雞煲 - 一開煲, 就覺得好香~食落去好明顯有炒過, D雞夠入味, 同埋有充足既配料
2~封門柳 - 我第一次聽呢樣野, 係店員介紹我食既, 聽佢地講係牛既橫隔膜, 食落去好有牛味
3~手打蝦丸 - 食落去真係食到蝦粒, 唔會好似出面咁食極都食唔到
4~竹生 - 原條上, 仲要全部都好大條, 索埋D湯汁, 好好味
5~芝心丸 - 唔係用平價果D芝心丸, 食落去寅你好流心
6~響零 - 一般
7~唐生菜 - 佢地用個好特別既碗切到好靚
P.S. 係我地食野既過程中, 佢地會好留意我地個鍋仲有無湯, 如果一見到唔係好夠既時候就會行過黎問我地加唔加湯! 值得一提既係佢地好細心, 準備左雞湯同辣湯, 加既時候會問我地加邊種湯, 試問係出邊邊會有人咁做!!!GOOD~
食到最後, 仲會送上甜品~~雪米磁~~, 幫食到熱辣辣既我地下吓火~~~
總括黎講, 我覺得呢度既野食好味, 而且服務又好好, 一定會再黎食過~~~~~
張貼