Solé (已結業)

今日去左megabox 試下法國大餐，餐廳裝修幾靚，擺位鬆動，好岩一邊食飯一邊傾偈。個套餐有得揀四款小食，幾款小食都好精緻味道都唔錯，啱晒做餐前小食。之後係洋蔥湯，好香濃，湯入面啲洋蔥經過慢火煮過，好軟滑清甜，配上香脆既法國包，岩岩好。之後就係兩個主菜，羊架，肉質鮮嫩多汁，配上香草，一啲so 味都無，推薦。而煎鱈魚可以講係色香味俱全，鱈魚煎得金黃酥脆，入面又十分嫩滑，口感豐富。最後仲有個甜品都唔錯，外層酥脆，內裡柔滑。