Lardos Steak House (已結業)

尋晚同女友山長水遠開車去新都城睇 slumdog millionaire，7pm 左右散場專登去試，攪下免費泊車，上上落落都七點幾，去到坑口村等左半個鐘車位。冇訂位行入去都有位，入坐時間岩岩過 8:00pm，地方唔錯，大約有 5 枱客。叫左 fried calamari：個 batter 好香脆，calamari 好鮮味！一人一個 aust. 8oz rib eye：上到枱比我想像中大件，個人覺得可以再 grill 個面多一陣脆DD。件扒好好味，我要左紅酒汁（因為冇得飲酒）冇乜點食到，因為鐘意原汁原味，gf 叫左黑椒汁。大家都清晒碟！服務都 ok 喇，冇叫野飲淨要 tap water 都冇黑面。後來食飽同女友兩頭望先見到有 daily special... waitress 係完全冇推介過，唔係一定會叫 mussell or clam！呢度冇加一，八點後泊車又唔駛入錶。可惜因為開車一滴酒都唔敢飲，唔係點都要叫紅酒配美味既牛扒。有機會都會返去食多次！