常悅素食 (已搬遷) 新店位置

一班好姐妹久不久都會一聚，今次有人提議嚟呢度食，因為有人話見到咁多人話好味咪嚟試吓囉！一行五人六點九嚟到，呢個時候人未係咁多！西裝叔叔同我地講如果坐入啲冷氣會勁少少，如果怕凍坐出外面會好啲！咁我地決定坐外面佢有幾款例湯，但每晚都唔同款，menu仲寫埋邊款湯有咩功效添！當我地睇緊食乜時，有個叔叔見我睇緊個湯menu就主動走嚟同我講今晚個湯係乜！又幾好心喎！　我地唔知啲嘢有幾大碟，所以叫咗四餸一炒飯我地一邊傾一邊等，突然有個侍應行埋嚟收咗一對公筷之後又俾過對我地，乜事呢？我個姐妹話見到對筷子有少少污濁，都未等我地出聲佢已經主動幫我地換咗！都好細心呀吓！啲嘢都上得好快，但快之外都好夠熱個齋魯味差咗少少，因為比較鹹，同好似冇乜得選擇．．．芋頭魚超正！！　皮夠跪又夠香！（不過當我同個朋友想拎起部機影相時個姐姐已經一刀切咗落條魚度．．．　唔制呀！！！）鼎湖上素好味！好多姑同好多竹笙，味唔濃，正！唔記得乜乜炒飯，大大碟，飯炒得夠爽夠香，粒粒分明，好！豬肉粉包，好味！個皮唔硬，入面又有姑同其他菜，清清地！跟住我地一路食一路傾，到咁上下再叫個甜品 - 荳莎窩餅！超正呀！　唔係好甜，又熱，連我呢個唔鍾意食