金牌小龍 (已結業)

以 $49 一位既 coupon 到來試試，我地倆人大約下午 2 點到達，可能過左午飯時間，無幾台客，地方非常整潔舒適，待應都好禮貌。四喜烤夫（涼食），平時自己都有買烤夫做菜，烤夫本身無味，需要靠調味料，呢個味道非常濃味，但唔會太鹹。涼拌蒿筍絲，爽而清，唔錯呀！金牌小籠包，我時不時都有食小籠包，但有些食肆既小籠包內豬肉有雪味，我最怕，有些外皮做得唔好太硬，但呢度既肉無雪味，而且外皮全隻軟硬適中。台式擔擔撈麵，味濃得來好好味，麵條軟硬適中，但可借太鹹，我自己就實在食唔落，於是就手倒左些茶落去撈埋食，呀！又好好呀喎！:。台式炸醬拌麵，一樣都係味濃好味。總結呢度既食物係做得好好味，值得推薦！