諾亞半熟蛋糕專門店 (已結業)

今日在西九龍商場行街，無意間見到諾亞半熟蛋糕專門店，其實都聽朋友提起過這間蛋糕店，心血來潮買了個香芒半熟芝士蛋糕。店員好詳細的講解蛋糕拿返屋企點樣保存同食法，仲介紹一款健康飲品。返到屋企急不及待拿出蛋糕，外面紙盒好得意，有兩個馴鹿的角，雖然已經過左聖誕節，但見到仍然好開心。打開盒只見有好多芒果在上面，一陣陣蛋糕的香味撲鼻而來，切開蛋糕同平時的芝士蛋糕唔同，中間的芝士好creamy，最底層是朱古力蛋糕軟軟的，平時就比較鐘意食creamy的芝士蛋糕，所以這種口感本人就好鍾意。芒果的甜味加上芝士的香味真是雙重享受。蜂蜜紅豆水見到個樽都好得意，成個電燈膽個樣，紅豆的味唔是好濃，唔甜。如果只是飲這個會較淡味，但食完蛋糕再飲返而使口感好舒服，唔會搶了蛋糕的香甜，多了份清甜的感覺。其實在店裏見到好多款的蛋糕，下次要再試試另外的款式，我諗應該吾會另我失望。