影片
更多
2016-07-11
2675 瀏覽
follow佐一個model既ig好耐 成日見到佢食水佬榮（好似佢有份開）觀望佐成年 尋晚終於約埋班fd齊齊出動 上到水佬榮 阿姐好熱情招呼我地啦 咁醬呀 調味料果啲就已經擺左係枱上啦. 言西（唔知中文點打😂）蔥呀 蒜蓉呀好新鮮 跟住就點餸啦 我地點左唔辣既雜菌花蛤肉蟹煲 響鈴 油炸鬼釀墨魚? 6寶丸 墨魚丸 唔記得左咩雲吞 帶子蟹粉包 娃娃菜 手擠墨魚麵 冬瓜片 蓮藕片 同埋三層唔同既牛肉（牛仔粒、牛舌、肥牛）講返個煲 料好豐富 裡面有好多好多唔同既菇 對於我嚟啲菇迷黎講係非常開心滿足👍 蟹係新鮮肉蟹 好多肉 肉唔鞋 唔錯👍花蛤好多好多 好嫩好鮮 仲有一開頭我唔記得原來係有菇係裡面 本身我另外點左杏鮑菇 點知煲上到黎先記得 問阿姐可唔可以cancel 佢話無問題 仲開玩笑話我大懵跟住其他餸都陸續上到黎啦6寶丸 我地最後悔點左嚟個 因為我本身打邊爐唔食丸 但我見到佢係手打 又係招牌 點知裡面啲丸有陣我真心唔鍾意既味 但係係我個人問題 反正唔鍾意啦 食左半粒就無食過 油炸鬼釀墨魚滑? 唔記得個名 我一開頭覺得好好味 所以我點左 跟住我班fd都話 下 油炸鬼打邊爐咁奇怪 點知上到黎 我班
我地點左
唔辣既雜菌花蛤肉蟹煲
響鈴 油炸鬼釀墨魚? 6寶丸 墨魚丸 唔記得左咩雲吞 帶子蟹粉包 娃娃菜 手擠墨魚麵 冬瓜片 蓮藕片 同埋三層唔同既牛肉（牛仔粒、牛舌、肥牛）
講返個煲 料好豐富 裡面有好多好多唔同既菇 對於我嚟啲菇迷黎講係非常開心滿足👍 蟹係新鮮肉蟹 好多肉 肉唔鞋 唔錯👍花蛤好多好多 好嫩好鮮 仲有一開頭我唔記得原來係有菇係裡面 本身我另外點左杏鮑菇 點知煲上到黎先記得 問阿姐可唔可以cancel 佢話無問題 仲開玩笑話我大懵
跟住其他餸都陸續上到黎啦
6寶丸 我地最後悔點左嚟個 因為我本身打邊爐唔食丸 但我見到佢係手打 又係招牌 點知裡面啲丸有陣我真心唔鍾意既味 但係係我個人問題 反正唔鍾意啦 食左半粒就無食過
油炸鬼釀墨魚滑? 唔記得個名 我一開頭覺得好好味 所以我點左 跟住我班fd都話 下 油炸鬼打邊爐咁奇怪 點知上到黎 我班fd都覺得好好味 得我覺得好奇怪🌚覺得油炸鬼個口感好奇怪 似擺左好耐
墨魚丸 話係鎮店之寶 緊係要啦 食左發覺係真係掂既👍 好鮮 同埋真係有墨魚係裡面 丸入面得佢最岩我心xd
雲吞 soso啦 無乜特別
帶子蟹粉包 唔錯 帶子好多 皮都唔係好厚
響鈴 超好味既響鈴 擺入去幾秒就拎得出黎 出面軟裡面脆 好正👍特別係響鈴吸曬啲湯汁 咬一啖 哇 人間美味!!!
手擠墨魚麵 嚟個係全場最值得order!!! 其一好新奇有趣啦 自己擠入去 我地幾條友輪流擠睇下邊個擠得最長又唔斷 隔離阿姐阿叔都笑住望住我地玩😂其二 口感超Q 真係好好味 好鮮好甜既麵 正呀!!
三層牛肉 超正 最上面果層係牛仔粒 擺入個煲度煲5分鐘 大概5成熟 好嫩! 第二層牛舌 錄2分鐘就食得 脆脆哋 唔錯! 最後一層 肥牛 肥牛油脂分布得好均勻 擺入去錄幾秒 正呀 超嫩超好味👍 真心好值得order! 性價比超高
食曬肉就食菜 娃娃菜新鮮 好甜👍 蓮藕片好脆好食👍 冬瓜片好新鮮好甜👍
最後埋完單俾左我地一人一粒好似糯米糍咁既雪糕 我食左芋頭味 好好食!!搞到我地勁想問佢地係邊度買既
總體黎講 服務係唔錯 食物好ok 有下次一定👍
雜菌花蛤肉蟹煲
$368
71 瀏覽
0 讚好
0 留言
40 瀏覽
0 讚好
0 留言
三層既牛肉
92 瀏覽
0 讚好
0 留言
手擠墨魚麵
50 瀏覽
0 讚好
0 留言
張貼
