野菜咖喱事務所 Curry Man (已結業)

放假， 去咗個 friend 屋企， 佢媽咪同工人姐姐都出咗街，於是就 call 外賣嚟食。個 friend 話野菜咖哩屋啲嘢食好食，於是就打電話 call 外賣去佢屋企食， 由打電話嗰一刻開始計，到嘢食送嚟大概要一個半鐘頭。我叫咗個野菜咖喱嚟食，呢個 curry sauce 應該算係日式咖喱，味道都幾濃香，甜甜地，有少少辛辣但只係好微嘅程度，跟埋啲蔬菜，味道都好 match， 蔬菜係紅椒一、一啲彩椒、青瓜、西蘭花、番茄咁樣，全部都整整齊齊，幾好味。以外賣嚟講，呢個野菜咖哩，絕對唔頹。