船長 泰國船麵工房 (已結業)

平日兩點幾黎食，以為應該唔多人，點知都八𢦓滿，好彩啲位好疏，唔會坐到好迫，係呢時候出街食飯，距離真係好重要，我一個人食，但搭枱都係四人枱打斜坐，唔駛坐到咁迫。講返食物，叫左個船面午餐，有泰式奶茶同迷你春卷，船面個湯底好正，好濃，忍唔住爭啲飲哂啲湯，啲料都好入味，唯一係份量較少，可能男士食會唔夠，我食過咁多間船面呢間算抵食又好味，一定會再黎。要200字先比評分咁鬼煩，講埋杯奶茶啦，我飲熱嘅，我覺得都好香，凍奶茶應該仲正，下次再試。