滿樂潮州 (美麗華廣場1期) (已結業)

當日三人聚會，來到尖沙咀美麗華的滿樂食潮州菜。 雖然已經係上年年尾嘅事，但總體記得食物質素很好，環境優雅，坐得舒服，服務都很好的。當日叫咗個梅菜扣肉，好夠味，友人大讚個梅菜甜甜地好好食。送白飯一流。這個杏汁白肺湯好香濃，喜歡白肺湯嘅朋友要試吓啊！我哋三個飲唔晒，要打包。慣咗每餐都要食啲菜，叫咗碟菜心，普普通通啦。再叫咗碟炒蘿蔔糕，好香口。嗰日傾吓傾吓都坐咗超過兩個鐘，再叫多碟蒸蝦腸。蝦球夠大粒，好食。