四面泰泰式火鍋

營業中

休息中

又到打風季節，同同事一齊收工，大家都期望聽日打八號風球，於是就集氣一齊食埋個泰式打邊爐返屋企啦。見今日都幾多人，於是就要咗個寶藏海鮮手工金盒，呢個係足夠三至四個人嘅份量，海鮮種類亦都好多。而特點就係可以嗌鴛鴦鍋，於是我哋要咗慢燉牛板腱清湯鍋拼冬蝦蔭功鍋。一邊夠清甜，另外嗰邊又夠泰國風味，其實兩隻湯底都幾好味，我哋未放嘢入去之前都飲咗幾碗湯。另外都叫咗潮汕牛肉丸同埋美國特色肥牛，兩隻都好好食，好有牛味。搵到食泰國嘢，就梗係要叫沙嗲牛肉串啦，呢間嘅沙嗲醬好濃郁，味道一流！嘢飲我哋就叫咗兩杯，一杯係碟豆花青檸梳打水，超級解渴。另外一杯就係百香芒芒碌碌，啲芒果好香好甜，亦都有一粒粒嘅芒果果肉。至於甜品，就叫咗佢哋嘅招牌椰皇凍，好Creamy，好清新，咁大個都係呢個價錢，真係好抵食！