B.Two House (已結業)

平時食完lunch之後都會周圍行吓，發現呢間有bagel食，佢唔係平時見到普通嘅bagel，佢哋嘅bagel係雙色㗎喎。淨係Bagel嘅配搭都有十個八個揀，今次我就試吓芝士辣烤雞先，加$25仲有手工甜品同飲品一杯。如果想飲湯唔要飲品嘅話，加多$2(即係$27)就有喇。除咗個主菜之外，仲有少少蔬菜沙律俾埋你，啲沙律菜好新鮮爽口👍🏻烤雞好滑，bagel好鬆軟好味😋最後試埋甜品，係一件朱古力蛋糕，朱古力味香濃，唔甜幾好👍🏻飲品我要咗黑糖薑茶，都好飲。