影片
更多
2013-09-08
493 瀏覽
今晚同屋企人去左GREENERY食dinner buffet，用OPENRICE COUPON真係好抵 ! 夏日鮮果已做完，開始左新主題，地中海美食。大約6點幾就去到，帶座既服務員好有笑容又好細心，抵讚! 等左一陣buffet就開始，原來仲有琴師伴奏，一路食一路聽音樂真係好舒服。先行一次睇睇，凍海鮮都好多款，有長腳蟹、煙三文魚、凍蝦、龍蝦仔等等；沙律方面都落足心機，有好幾個選擇，地中海沙律、墨西哥沙律等等。一開始食左菠蘿，又甜又多汁，真係忍唔住食左兩次哈哈。之後就開始食熱盤，見d串燒新鮮燒好又香噴噴，梗係拎走幾串，d牛脷真係好好食，燒到岩岩好唔會燶，雞軟骨、蝦都好好食，串燒師傅又nice! 蝦真係好受歡迎，一出就好快俾人夾晒，要睇準時機!之後食左燒壽司，玻璃蝦真係好食，仲有蟹柳同八爪魚，師傅好好笑容，手勢又好唔會燒到燶。食完三件真係好滿足XD熱盤都好多選擇，都試唔晒全部…個西班牙海鮮飯好足料好好味，唔想食海鮮飯仲有咖喱飯揀，個香草飯加埋咖哩真係perfect match ! 田螺好好食，薯蓉好香好滑，就算怕飽都忍唔到口食左幾次!!!黑毛豬肥瘦均勻，肉質鮮甜，肥而不膩。仲有一個燒羊脾都好
大約6點幾就去到，帶座既服務員好有笑容又好細心，抵讚! 等左一陣buffet就開始，原來仲有琴師伴奏，一路食一路聽音樂真係好舒服。先行一次睇睇，凍海鮮都好多款，有長腳蟹、煙三文魚、凍蝦、龍蝦仔等等；沙律方面都落足心機，有好幾個選擇，地中海沙律、墨西哥沙律等等。
一開始食左菠蘿，又甜又多汁，真係忍唔住食左兩次哈哈。之後就開始食熱盤，見d串燒新鮮燒好又香噴噴，梗係拎走幾串，d牛脷真係好好食，燒到岩岩好唔會燶，雞軟骨、蝦都好好食，串燒師傅又nice! 蝦真係好受歡迎，一出就好快俾人夾晒，要睇準時機!
之後食左燒壽司，玻璃蝦真係好食，仲有蟹柳同八爪魚，師傅好好笑容，手勢又好唔會燒到燶。食完三件真係好滿足XD
熱盤都好多選擇，都試唔晒全部…個西班牙海鮮飯好足料好好味，唔想食海鮮飯仲有咖喱飯揀，個香草飯加埋咖哩真係perfect match ! 田螺好好食，薯蓉好香好滑，就算怕飽都忍唔到口食左幾次!!!黑毛豬肥瘦均勻，肉質鮮甜，肥而不膩。仲有一個燒羊脾都好好食，雖然有DD咸，但一D都唔羶，燒到好香，一定要試!!仲有燒味檔，只試左乳豬同叉燒好味，叉燒鮮嫩JUICY，一D都唔乾曾曾，正 ! 媽咪仲有試海南雞飯，話好好食，油飯唔會太油又帶薑蓉味，D雞就好嫩滑^^
自選烚海鮮有魷魚、花甲、貴妃蜆、花蟹等等好多選擇，除左海鮮仲有菜同d丸俾你做配料，例如有金菇、牛柏葉。湯底都有兩種，有什菜湯同意式魚湯，兩款都同海鮮好夾但個人比較喜歡什菜湯，可能因為意式魚湯偏辣，都係中意清淡少少。
原來仲有一人一隻大蝦，buffet過左一半就有服務員送上黎。蝦肉好結實唔會梅，配埋個忌廉汁真係好正，好想問可唔可以黎多隻XDDDDD
最愛既甜品時間!!!!!!! Greenery 既甜品真係極水準，tiramisu超級好食!!!!!!!!!香濃咖啡味，而且好滑，又唔會膩，極品中既極品!之前見到咁多人都讚冰皮綠茶卷好食，不過今晚就唔見…有凍皮朱古力卷，都非常之好食，又唔會太甜，一啖一舊岩岩好。仲食左件香桃撻，酸酸甜甜咁，個皮又好香，推介大家試下。甜品櫃隔離仲有Haagen Dazs雪糕同pancake檔。雪糕任食，都有好幾種口味提：芒果、cookies&cream、雲呢拿等等。Pancake有兩種口味，有原味同斑蘭味，我叫左斑蘭味，青綠色真係好靚令人食指大動，個皮又薄，好味! 可以加香蕉同cream係皮入面，表頭再加一球雪糕真係一種享受! 可惜因為前段食左太多野都冇咩肚食甜品，唔係我會試晒d甜品佢XDDD
食緊甜品果緊就有服務員問餐飲，真係時間岩岩好，叫左凍檸茶，好快就有，效率超高。成晚都食得好愉快，d野好食，服務又好，收碟、fill水都好快，環境又好，唔怪得咁多好評啦^^ 下次約埋d fd再黎過 !
張貼
