特色糖水小食 (已結業)

之前搭車聽過有人話這間的炒公仔麵好食，咁今晚開ot，返到附近又突然好想食炒公仔麵，所以就去了這間買外賣，咁見到炒公仔麵的價錢都幾平，因為出面炒公仔麵最平都要三十幾，但係這度就十幾就有得交易，咁有豬扒、午餐肉、火腿、雞翼、牛肉、雞扒同埋黑椒牛扒選擇，咁今晚突然想食午餐肉，咁就叫了個午餐肉炒公仔麵仲面改埋用出前一丁，都只係二十蚊，點知返到屋企開來食先知，原來佢所炒的公仔麵只係用返那包味精炒d麵同埋午餐肉都係兩塊煎一煎，完全冇切絲。真係覺得又俾d人講話好食同埋坐係度的客呃了我感覺。因為都見佢幾多人係度食o野，點知原來都係俾人搵笨。佢地可能只係搵個地方傾下計，都唔係咁介意食物好唔好食。這個麵得個咸字，咁午餐肉佢又唔係俾最差的，都叫做有良心。之後唯有唔想浪費食物就用一大碗熱水浸住來食，變返湯一丁，真係慘，一早食湯公仔麵就可以平多兩蚊。咁個老細都幾好傾!