Antoshimo Cafe & Bakery (Mikiki) (已結業)

試問有邊個可以抵抗到煙煙韌韌嘅波提donut，私心大愛！🍩可惜大型嘅連鎖舖頭仲未進駐香港，日本地道風味暫時都好少有。朋友知我鍾意，特登買咗呢間都幾出名嘅波提俾我食，我揀咗兩款口味，分別係焦糖同士多啤梨。上網見佢評價都唔差，翻到屋企相貌亦端好，翻熱埋咬落口……一陣失望嘅味道就傳咗出嚟😢😢佢確實係幾煙靭，焦糖口味唔會過甜，士多啤梨味略嫌有啲重劣質朱古力味，但最敗筆之處唔知係咪啲冬甩已經放得太耐，好重油益味😵‍💫😵‍💫咬落去除咗有咬口之外，都仲有好多油滲出嚟。。。口感再好都冇辦法接受🥺唔知係咪要睇幸運值先會遇到好味嘅波提呢？如果再次經過其他分店都會願意試多次。