牛芳百世 (已結業)

本人好鍾意食牛， 次次經過呢間嘢都想入去試一試 ， 聽講有好多牛嘅部位都有得食 ，今晚放工終於有機會去會一會呢間食牛專門店 。平日夜晚食飯時間都仲有位，價錢真係唔平，普通一個牛腩麵都50幾60蚊。我就叫咗個清湯腩米，再加碟通菜咁就七十幾蚊。 可能期望越大失望越大 ，講真真係冇乜特別， 啲牛又唔係特別好味， 啲牛腩都有啲韌， 真係幾失望， 個湯又唔係特別鮮甜，完全唔值呢個價囉， 相信好多二三十蚊嗰啲都好食過佢，真係試完一次冇下次。