蘇媽.蘇媽馬來西亞茶餐室 (已結業)

慕名而來，失望而回。我真係唔明點解啲人會話好食。金玉其外，敗絮其中，得個門面靚，食物質素好唔得。唔怪得當日夜晚7點黃金時間去，都係得個三四枱客。湯咖喱麵$58，呢個不過不失，但完全同好食扯不上關係。玻璃魷魚配通菜$56好難食，通菜、水魷魚完全冇味，係用滾水淥熟，然後就咁淋炸蒜及醬汁喺面。撈勻都係唔好食。辣死你嗎配烤雞脾$68呢個仲離譜，成隻雞髀係凍嘅，大隻但係冇味，食咗兩啖劈埋一邊。檳城福建麵$62全晚最正常算係呢個綠茶留心牛角包$28個樣已經唔靚，內裏的綠茶醬都係得個死甜，真心覺得$4個雞尾包好食過佢海南鴛鴦燒麵包$42個麵包係幾香脆，但係兩塊牛油都係大細邊，一邊勁厚，一邊勁薄，見到已經想講粗口🤬呢間野試一次都嫌多，冇下次。